ათე რინაქ მუზმა დოღალ,
პუხუს მუნობძ ქვერსემ ოღალ.

ჩქიმ დუც ვორწყექ, ჭყჷნტ დო რჩინც,
მიზღვინდუანც ჭვემა ჭინც.

ხეს მიკინებ თე ცა– სარკე,
ჩქიმ დუც ირო წანეფც ვარკე.

თე ბორჯ ირო მუშო ირთანც,
ამსერი თუთაქ ოკო მირთას.

ჩანარ ბძირენი ბთქუა ზინთხას
სო მორთუ დო ვარა მიქ თას?

ჩქიმ ოღალც მით ლექინც ორწყე
მოზოჯას დო ქათუდირთას.

გინმოლუ დო მითმედინუ
არძაშ უსკვამაში ნინა,
კინოხ ირ კოც ოპეკუდჷნ
ასე მითინც ვანარღ ინა.

დიხაუჩაშ რთაფაშ ხან უღჷ,
მუშ ვაჸოფე გინმაჯინე,
იშენ სქუალეფიშ ჯარ უღჷ -
ორწყე ბრელ ხანს ვაგარზინე.

შურეშმალუს წირსპალ ვაჸუნც,
მითინ ვაპალ ალმარინე,
ახალეფიშ ზისხერ ვაფუნც -
გურც აჭუ დო ანგარინე…

მუშენ ოკო დინუდასჷ,
ჩქინ სკვამ ნინა, გოსოფური,
მარგალს თენა ვაგინდასჷნ …
თექ რე გვალო გოსოფუ გური!

"ელნაფალას ჸა ჯოხოდო
მიორა დო მიორდეს.
ქორთულ ნინა სკუა რედო,
მუმაში ჯოხო გიოდვეს.
ცაშე ცენცუ ჯა დო ქუა
გური მაფუ ნარღით ეფშა.
მუმას ჯოხო ამდღა სკუა
ათე ფულირ ამბეშჲ გეშა.
მასქერც ქიმკორულაფუდო,
სკუა განთხის გითმუღანცჷ
მუმას იჯოგუანცჷდო
სალამუსოს მიდმუღანც.
ელნაფალას ჸა ჯოხოდო
მიორა დო მიორდეს.
ქორთულ ნინა სკუა რედო,
მუმა მუშენ გიოდვეს. .

"ოხვამეს იუაფუნო ეიორზამალო თუთუმი?
მინშა მუმალე თე არზი,
ირფელც მუში ბორჯი გუთუნი.
ვემკაწონებე ცა, დიხას, მუთ უჭვემუ დო უთუნი,
ე დიხაუჩა ქირთანც,
მარა თეთ ვარე მუთუნი

[color=green][color=green]* * *

თაქ ვორეთნ წორო გილაბრთათ,
გამათ ვამწუა დღას ვარია.
მა მი ვორექ?– შურო მითინ ვარ,
სი მირექ ჩქიმო?– მითავარია.
გასაჯოგე რე არძა თენერი,
ლეტას იდღვებ დო ფურინ ოკონი.
იშენ გორდი რე, წურწუხ ლეყეპიში,
დო თის იძახუ მუდგა ჯოხონი."

მათანგალი– ზაალ ჯალაღონია[/color]

კაწაბ ცალო, გუმაწკავაწკვალ თე წანა,
შურდგუმაშე დუც გუმართუ დღალეფი.
გეგნუთირხონ რაშის ჩქიმი შურ–ყვანა,
სადღემუშოთ ქიგუტებუ ნალეფი.

სო იჭყაფუ, სო ითებუ კიონტი.
თე ცა ასე ჩქიმო გვალო გონჭა რე.
ჩქიმ შურ ჩიტო ჭურჭულანც დიორდე,
მუჭო მიორც თე სერი დო ოჭმარე.

ფსუალეფი გილამიღუ წურილი,
ნაცოდარი დობგვანექ, იბრდუქუ.
მარა თავრე მუჟამც ვორდი ულირი,
ქუორდიდა, კინე მუშენი იფრთუქუ.

ტყა ყურუმშე კანთი,ჩხორია გიშმურცუ,
გურიში კორთხო ცოდაში ბჟათ ეფშარე.
ხუჯერთელი გილარგორუნქ რგილშურცუ,
ათე რინაში აბორჯებული მეშარე.

ვაგმაგინ მი ვორექ,
მიძახუნა თოისერც.
კოჩიში ნინა თიჯგუარე,
ირო თქუანც მოძინელც.
ენკერიას გევორექ,
ცას უჯინექ გოკინელც.
ფირქეფც ხოლო ვონძალუქ
უფაფუა მუნაფას,
ირო მივაცანცალუქ,
კოჩიში გურიში წყუნაფას.
მეჩირთიო ჩქიმი წკმა,
ჩე ოჭმარე დომიმუნი.
ინიში–ინი ნობღვე ლიმა
შურ დო გური გოლიმუნი.
ჩეჟიერშა უსამართო,
დღას ვამიწყორუაფ,
თხა დო გერი ხოლო ართო
მა თაქ ვამომგორუაფ.
კოჩქ გლახა ვათქუასუნ
ინა იშენი ვანტირე,
გალე ორქოქ გათუასინ,
დინახალე ცხვანტი რე.
მარგალქ ფსუას დურქიასნ
თენა ჩქიმი ნარტი რე.
დუდშულერი კათაში ზიტყვა,
ღორონთიში ხატირე.
ათე ლერსეფც ქიმვოშურდი,
მითა მიუნც მათირე,
მუშ მამონკა ოფე შური,
ენა სოლე მანთირე.

ჩქი ართიანც უძახათ
ღურა დღაშა ვაღურა.
ოროფილო გილაბრთათ,
ოდო დომიძახუნა.
თიშო ხოლო იმჭუათ,
ინა არძას მოხუნა
გუროჭვებელი იბჭუათ, ... კითხვის გაგრძელება »

დიხა მუთუნცუ მერჩანცო
მუთ ვაფუდ მიოჩამალი.?
თე ჯა უმოღეთ გეჩანცო,
ვარა პეული ამარი.
დუდი ქარსამეფც გებჩაო,
ცაშა პოფ ეკანგარალი.
გურც ნარღი ინირციებუ,
ფირქი სარანჯელი, შალარი.
სი მუ გიწუა სარალო,
ბორია ინიჩიებუ.
პიჯ წყარით მაფუ ეფშადო
ყინტ ვარე ეკაქალარი

შურ თაკილენც, ვაჩენდ
ულა ოკო, სქემე.
ცას მუკობუ ჭვემა
მარა ვაგოჭვემე.

ჩე მუნაფაში ხურხის,
ჩქიმ ლერს ქინკორდელე.
არძას ვორწყექ მუხურც,
თაქ ვორექ დო მელე.

აკორუმელ დიხას,
გილაგორუნც ჩვერე.
არძა ალა– კვალა
მინ ყუნგა დო ყვერე.

მეტყურეფიში ხანდათ
კინე აკიკათეს.
ემირღვანა ღანდას,
ოლაფარეში კართეს.

მუთუნც ვაუღ შინა,
დღა გიმანთხუ ქირო.
ოშშა გუნარჩქინა,
ართშა ვეპიქ ჯგირო.

ანაქია ურქენც,
თოლ ინონჭაფ გალენც.
გამწას ორღვანც ფურცელც,
თევრენც დო თავრენც.

ზისხერქ ქაკათ ბირცხას,
კონწარი მივოღვარენი.
მი გეგონენც ძიცას,
ცა ვეძიცანც , ცა რენი.

ვაკომირღვა ყუდე,
დუც მიკორდვა ლუბას.
ათაქ მიღუ ყურდგი
ჩქიმი აკნახუბა.

თე შქორია ჯალეფც,
უნარუა წორო.
გოკონი მომიჩალანი,
იშენი მიორც ორო.

სერიში მუმას ვართუქ,
... კითხვის გაგრძელება »

ცოდაში ჭვილი თე ქიანა
მუს უჯინე თეზმა ხანს,.
დიხა მუშენი ვაკმოცენც,
მუშენი ვამანტებუ ცას.

კოჩქ მუჭორე გეეშმაკნი
ზისხერს უსქირუანს შხვას.
სერი რდასნი ვაუჯგუნო,
ათეცალი უჩა დღას.