| კალენდარი |
 |
| « ოქტომბერი 2012 » |
| ორ |
სამ |
ოთხ |
ხუთ |
პარ |
შაბ |
კვ |
| 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |  |
 |
|
 | |  |
| მთავარი » 2012 » ოქტომბერი » 16 » ზაალ ჯალაღონია –ვაგმაგინ მივორექ
0:41 AM ზაალ ჯალაღონია –ვაგმაგინ მივორექ |
ვაგმაგინ მი ვორექ,
მიძახუნა თოისერც.
კოჩიში ნინა თიჯგუარე,
ირო თქუანც მოძინელც.
ენკერიას გევორექ,
ცას უჯინექ გოკინელც.
ფირქეფც ხოლო ვონძალუქ
უფაფუა მუნაფას,
ირო მივაცანცალუქ,
კოჩიში გურიში წყუნაფას.
მეჩირთიო ჩქიმი წკმა,
ჩე ოჭმარე დომიმუნი.
ინიში–ინი ნობღვე ლიმა
შურ დო გური გოლიმუნი.
ჩეჟიერშა უსამართო,
დღას ვამიწყორუაფ,
თხა დო გერი ხოლო ართო
მა თაქ ვამომგორუაფ.
კოჩქ გლახა ვათქუასუნ
ინა იშენი ვანტირე,
გალე ორქოქ გათუასინ,
დინახალე ცხვანტი რე.
მარგალქ ფსუას დურქიასნ
თენა ჩქიმი ნარტი რე.
დუდშულერი კათაში ზიტყვა,
ღორონთიში ხატირე.
ათე ლერსეფც ქიმვოშურდი,
მითა მიუნც მათირე,
მუშ მამონკა ოფე შური,
ენა სოლე მანთირე.
ჩქი ართიანც უძახათ
ღურა დღაშა ვაღურა.
ოროფილო გილაბრთათ,
ოდო დომიძახუნა.
თიშო ხოლო იმჭუათ,
ინა არძას მოხუნა
გუროჭვებელი იბჭუათ,
დღაშით დო ონჯუათ.
მიდგარენც ვაგაგინე,
ამდღა ხოლო იკვირაფ,
კოც მუჭო ვანგარინე,
ნგარას შური იძირაფ.
ხიოლ რენდა, მახიოლანი,
ბაწარი წირეს გიართაფუ.
ადამიერც ოკო ორანი,
ვარე ირფელი ართი აფუ.
მორაგადეს ურჩქილათ
ჯგირი თქუდა ვებშურათ.
წანეფი მუკურც, უჯინათ.
ართ წყარ ჟირშა ვემჩურათ.
მუ იუაფ თე ჟი, თუდო,
თენა ხოლო ვებჩიათ,
ღორონთი ვაგვამორსათუდო,
შური ვადიბჩიჩიათ.
მა თაში თიშენი გეგოძახა,
თეზმა გლახა , ფურშენი.
დო გოძირა ირფელც თახმას,
ფოთქვის ვემთყურშენი.
სი კინ კეხის ორთინუა,
შურო ვარშ დუნაბარ.
სანცხვარებელც ოდინუა,
ქარ– ბორიაში დუნანბარ.
სოლე მოურც ათე ჭარა
განჩინება ვეგებდვით.
ბრელ მუდგარენ ბძირით მარა
თინა ხოლო ვეგებგით.
ღორონთ კოჩო გორჩქინდუდო,
ოჩხოულეს ქიდებად.
ღურათ ღურუს ორჯგინუდო,
თელ რექია გირაგად!
|
|
ნანახია: 918 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
