ოწონდეშე კირიბ ღვარანც.
ჯას გალუაფ კინე კიდუ
ბრელ მუდგარენი ორწყე ფარანც,
ბერელი ნაფულა მუკმორჩქინდუ.

კინ გიორე დიხას ჭყიშო.
ცა მორღე დო მატაროზე.
ლაბახონა ირქენც თიშო,
კინ სკან ბორჯეფც ქეკათხოზე.

დუდ ვეგლეღა დოკინელო.
სკან ნახანდას არძა გარე.
დოწკურიდა დოღურ თელო
თოლც განჯანქნ მუთუნ ვარე.

მუ გაღოლე ქიანაშა,?
გურც გავეუნუ მოშინელო.
მეწირხელ დო მეზგუმონჯილი
მეკარკატელი ოშინერო.

გაკეპება ვარე ჯგირი,
დო ჩიჩიეში ჯინა. ჟიშე
ვართ ჭკორალა იი ირო
გლახას ჯგირშა ვეგიაჭიშე.

ღორონთი გიწინც დოირსხენი,
ქიგედგუნქო კუჩხის ნოურც.
რინა გაში თოისერი,
ორდ გოთანა მალას მოურც."

ჯვეშ ნაულა ნაშარემს
ძიგირ-ბარდი მორიებუ…
მეურაყუ, აჩქარენს
ჭვიმემს ასე ბორიეფი.

მაშარემსუ ელუდეს
ამდღარიშა ნაშარეფი…
ორთა ირთანს, ბრელი რდეს,
ვეპალუნა გაშარეფი.

მაშარემსუ ელუდეს
ამდღარიშა ნაშარეფი…
ნანა, მუზმა ბრელი რდეს,
ვეპალუნა გაშარეფი.

დიირთითო, თქვა ცოდეფი,
დაჩატებე გურმანგარი,
ჩილამურით დოშოლერე
დიაჩქიმიშ ყვალანდარი.

ცოდაშ კითხირ გადიდებე-
გოჭყოლადა ღორონთიში,
გურს ნოღვენა, შორს მითირე,
ქორენია ბოლო თიში.

დიირთითო, თქვა ცოდეფი,
გურ ნორღვენა მუ მანგარი…
ჩილამურით დოშოლერე
დიაჩქიმიშ ყვალანდარი.

მინც წყარმალო მიოჩქუ დო,
მინც ორზოლცალო ზუკოლუნც.
ჸუმენქ გემძირუ ვამიჩქუ დო,
ითამ წენდიხაში დუკოლს.
შარას წარი ეწირუნ ეთი განს,
ტერე ქმკოჟღარტუ უწირდალე,
ურწკინ ფიროსმანი ქმკანგარდუ,
ჩოლერ ორკოლცალო უწირსფალე.
გოფსქიდი, შურქ ქინმანწკირ გურიშ წკაშა,
ვართ კოჩი ივალდ დო ვართ ჯოღორი...
გვალო ართ ცინდა მეძ თანაფაშა
მის უჩქ ეცალ ჭარას მუ ჯოხონი.
ხოლო თოლი უნჯანს, ჩქიმი ღურა,
ნარღენს, მანცხვარ მუმალ ვარენია.
ნიკო მივარანც – ვეგუწკურა,
დეთხი, თიშ თოლეფი ცა რენია.
ვარა პაპა მაქ, ვარა კიზი,
თოლით მიღანკუნაც ვაკონია.
დახე სქირი ლერჭყვას ქიგიპყირზი,
კირზა ურზუმცუ დო ეკონია.
გეკიბუროცხუ დო გექიონუ,
ღურუქ ცხომურონას გერჩიონუ,
თუთაქ ქათიჸონუ მურიცხეფი
ჸვერეშ თოლიცალო გერჩიოლუ.
გობკურცხი ნაწაფილ ოჭმარეს
ზესქვიქ ქიგიობინ გურც ქინისთე.
მურე შხვაშ თანაფა ვარწანანი,
ემერ მიკოზგანჯუდ ლერსიშ ქრისტე.

სონ ხანი რე ვამძირ მუმაშ საფულე,
ჩქიმ ოხორსუ შორშე მივოყიყინა,
მეხით კასილ გური სოიშახ მაფულე,
ართშა ნტერსუ მეტირხ ძვალი ხიხილა!

სონ ხანი რე დუდშა მემიძ ჯიკი დო
მუნმოქუნსუ ჩელა ნირსი ჩხოროფა,
სონ ხანი რე ვაგომწყუმუ ლიკვი დო
შქვიდელი რე ხეშქაგურსუ ჸოროფა

სონ ხანი რე ორჟონეფიშ ხარკალი
ჩქინ ოსურიშ ურემიას მებირძღუ,
სონ ხანი რე გილებგაგუქ მარგალი,
ბუმბულიში ნორჩალებქუ დექირცხუ.

სონ ხანი რე ქივაგური ლაგვასუ,
მიზღვინდუანს ჟინბორია ჯაქალა,
სონ ხანი რე ვასქუაფუ ლაგვანსუ,
ბინეხეფი ჸურუმულო ნაფალა.

სონ ხანი რე ჩქინი ცირა ჸვირალი,
ნაბურშელა სქუალეფცუ ორჩქინანს,
ჟანგიქ ოჭკუმ ლეკურ ეიოპირალი,
დო მიანგარს ექო-აქო გორჩქინას.

რინ ვა ჯოხო კონჭიშ გეთოლუაფას,
კოჩ ვა ჯოხო კოც ხორხოტა ნკალირსუ,
დუცულაფი დუდიშ ეთოლუაფას
დო გილულას კუდელ ეთომპალირსუ!

ჩქიმ კოკი დო ჩქიმი რეფი,
ჩქიმ ფიჩორიშ მინდორეფი,
ჭველეფ ,მით ტყას მითორეთი,
ათე გურიშ ჭუა რეთი.
ჩქიმ ინგირ დო ჩქიმი ხურჩა,
ქელამჭიშეთ მუტ რე ხუჯშა,
ჰავა,ფურცელს სო მეხუშა,
ეშმანტირეთ არძა ხუშა.
ჩქიმ წისქვილ დო ჩქიმი კარე,
ჩქიმ ვარჩხილიშ ოჭუმარე,
დებჯერაო ,გოლუაფირო,
შხვაში რენ დო ჩქიმი ვარე?!

ანაქია ჭერეხიშე თანჯას
ურქენც , იბურინჷ.
ფა მოსოფუნც ურყ დიხაშე
, ტურტურუეფც მუფურინჷ,
აკიკათეს არძაქ ართო
ათე ორთაშჲ მოხვარეფქ
ცაშ კართეშა დუდჲ
მიკუძ ჩელაია ოხვამეს.