ხვალე გემიდგ ნარღიშ კარე,
ფირქეფც ვაუღ შურო სვანჯი.
თოლონჭაფუს ყურუმ გარე,
ნირსის დუფორ გვალაში წვანჯი.
მუნაფა რე ფერო შორშე,
დუც გუმართუ მუკი– მუკი.
აკორთელე არძა შოშე,
არძა გა დო არძა სუკი.
მიკმურცხონანც ფაჭას დოლოს,
აყარებულ წყარი ნარას.
ჩეგვალა დო, ვერჩეში ხოლოს,
მიკმარზანც დო მიკმავალანც.
მითა მიუნც ელმაჩამალი,
ყალი მიწყუნუ ორთაშ უღუქ.
მუკომინჯანც ორკეს ჩანარი,
ნარღიშ კარეს მულვოგუგუქ.
ათაში ვორექ ამდღა გვალო,
უძირაფუს დევეხოლი.
შური გოფაფჩუ ერქემცალო,
გუმაფართხალ მაჭირხოლი.
გაკწოპრტებუ არძა ნარდი ,
ფირქეფი ვამიჩქ ასე სორენი.
ხოლო ქუქუბი ვარე ნარტი,
ჭოროფა დღას აკობგორენი.

თჷნცჷ,თჷნცჷ,
ფუფქი ცენცჷ
შური ხიოლით
ენიცენცჷ.
ცა დიხასჷ
უძიცანცჷ
ათე წუნცჷ,
ათე შვანც,
უწამებელც
ხოლო წანც.
თოლ ჭკუმუნცჷ,
თოლი შუნცჷ
ქარ–ბორია
გვალას ხჷნცჷ,
ზოთონჯიში მუორესჷ
ჭარკანტია ეშანწყუნცჷ.
უმკუწკანტაფ
თირიში ფიფქი,
გურცჷ
იმენდეფო პუნცჷ.
ზოთონჯ რე
თჷნცჷ
თინცჷ.

მუ გოჭირ მარგალი
სი გუგულიშ მარქვალი,
დუდიშ მაღორებელი
მიჭკუმა რე მართალი.

გამგინებ ზოთონც,
დღალეფ ურსხებ მარტის,
მი მერჩანც მარდის,
შხვაშ ოგვაჯეს ნარდის.

რინაში ჯვარც ვორექ მუკოჭკადილი
დო გურც მუმოგუ ჭიფე ლისმარი,
სი მირაგადუქ სქვამას ხანტილი,
ათე ქიანა ორე სისმარი.

ვაგონჯარუდას მაფაში დიარა,
ვართ თავადეფიში ორქო–ვარჩხილი,
ცაში თუდო ირ კოჩი ღურაში თია რე
დო დიხას ონტუ ცოდაში დაჩხირი.

,,მუსით ქარწყექინ ირფელ სქან ქორდას?“–
ათე ჩილათას ჸუნც მარებელი,
მუთუნ ვაიჸორდას, მითინ ვაიჸორდას,
კოჩიში თოლეფიში მაღორებელი.

გურც ოხიოლუნ, შურც ანგარინე,
თე ოქიანე ნარღით ეფშა რე,
სი ქოულ, მარა სოთა გალინე,
უგუთებ შარაში ჭიჭე მეშარე.

კათას ორღვანც– ნაცალას,
ვემიოტენც ცალუას.
ღურუს ჯოხო მაცალარი
ირფელც უცანცალუანც.

ეკოხონც დო დიკოხონც,
ინა ცელით გილარხვად.
ვემკიდვანც ძელ დო ქონც,
გილურცჷ დო გილევალ.

ჭარკინტია დოურთაფჷ,
ჯოხო მიქენ–გარიელი.
ის არძა ართი აფუ,
ჩიჩიე დო ტარიელი.

გურც ქუმანჯირ ოფულარქ,
დო მა ყინტიქ ვეკმაღინ.
კირიბი შოშეს მოქულანც,
ცას მურიცხიქ ქეკადინ.

ზალამ,ნარტეფი მეტებულო,
დღას ვაძირა დუდი შხვას.
ღურუ სოთინ გენტებუნო?,
ის ბორჯეფი ქუმაშკვანც.

კოც ჸოროფა გაკვირტანც,
მინც ტანც გადირთ ბარცხინია.
შურიში სინთე იჭვიტანც,
მუჭოთ ჭიჭე მარწკინია.

მინ მინჭუაფ თევრე,მელე,
მინ თაქ რენი ფურცქინუნც.
ცა ჩქიმ ჭუათ გოქუნელე,
სოლედგარენი გურგინუნც.

მალას დიჭყანც ცირუას,
უკულ ფართას მაჸუნუ.
ჯოღორი გურც იჭუანც,
გიფერცხელ მაჸურუ.

სოლედგარენი იბარბანჩ,
... კითხვის გაგრძელება »

ეკისერუ უსერეთ,
ცა გიორე ონგარ დღას...
ქარ იგანს დო ფურცელენს
ევრე-ავრე ოფართხანს.

გოვალ,გოტყვაც თოლონჭეს,
ცაქ გიხირიტ ობჟალეს \
შკურინაფილ ტორონჯეფქ
გვალა გეგნიტკარჩალეს.

სო იდი დო სო ფურინი,
სო იდი დო სო ფურინი,
ქარწყექ მუჭო დოვღურინი,
ნეტე ღურელ ქოპუნინი.

გურქ ოკომცუ ქუმუცალო,
თოლეფქ ეკმაფშ ვალუას,
მუ გურზუ დო მუ მუცადუ
ჩხანაშ გითოფალუას.

მარგალური ჯვეშ ნინა რე -
ქორთულიში ჯერღვი - ჭვერხი,
ორჩქილეთ - საღორონთო,
ვაუწყორუაფ ჭვახე რეხი.

მინ - ზესქვიშ ჩილამური,
მინ - პელეტი დო მერეხი,
ქოთ - პეული, ქოთ - ჭუჭელი,
გურც ეფალირ შურ-ბინეხი.

მარგალურ გვალო შხვა რე, -
ართო ბჟა დო ართო ცა რე,
დიდაშ ფართო კართე რე დო
მუმაშ yვანა დო ფაცხა რე.

yოროფაში წყურგილე დო
ღორონთიში აბარწა რე,
უჩა ბორჯიშ ალნანგარა,
გურიშ ელნაკარკაცა რე.

ჩქიმ მარგალურ სხუნილი რე -
კაჭალია ლაკადური,
ყამბარულო ნაფურცელა, -
სოთინ ვახოლ ნახაფული.

ხათე მანჯღვერც დუგორუნც -
სიტყვას შარა აკართუნი...
ნჯღელ ზღვას ხოლო მიშარჩქინდ -
წკონდა წყურგილ ქაკათუნი.

ნინას ხოლო ნოკობუე
ბარგუა დო მაჟირუა,
ტყაში გითოტიტონუა,
წყარუა დო ლაჟირუა.

უმინჯ yვანა, გამგონებუ,
სარდაკიაქ დაჟღირუა...
ქემინჯი დო გაქშაბირცხე -
უმოღე დო ნაჟირუა. ... კითხვის გაგრძელება »

თოლი სქანი -
მანჭიე დო მანჭი,
წკურუმირე-
ჯინჯშა ვედინვანჭი.
ჸოროფასუ
ვაკო ეზმა გაჩი,
ა, კილა დო
გური ვიშო განჯი.

მისითი შარა მეჩამუნი
ზუგდიდიშ ბჟა-იოლც,
ჯვეში სოფელი ჭაქვინჯირე
ხვალე ჟირი საათიშ ოლს.
ვითი ვერსი ვაილნა,
ქალადირთითი დიკო ხონს,
ქოძირითო უძირაფუ,
ვაუჯერთო თქვანი თოლს.
მუკი-მუკი
მოთინილი ფალო-ტკილი,
ბაბუშობაში ცურუეფითი
გობანდილი, მოფინილი
ჩაში წვანდი უნჭუნ-ფერი.
არძო შხუ დო არძო რჩინიც,
სუკიშ წვანს ფუთქურამი
ცხიმურეფი მუკორშვინს.
ჟირ საჯენიშ მაჟიაშე
ემერ წყურგილ მოსიფუნს,
გვართა-გვართა მუკოხორცქუ,
ქუაშ კიდას მუკოფუნს
უკულ ტკილც უზოგარო
გიანთხუ დო გვარგვალანს.
ჯუნუნს ყოროფილი შორო,
ბონუნსუ დო ხვარჩალანსუ,
თუდო ქვიშა ვარჩხილიში
ეთმოცვენს, ვარკალანსუ.
ბჟა ჩხორიას გამშეტყობუ
შქას მიშაბარჩხალანსუ
გიჯინექუ იშო-აშო.
დუგარძღუ შური-გური.
ხეშკა გური - შორო მორჩქუ
ჯვეშ ოხვამე ნენდიხური.
ჭითა გვალა, თუდო სქური,
ნაოხვამე ობუჯური.
მუხური _ ნაცხა გოჯკადილს
უ ... კითხვის გაგრძელება »

ჩქინო მუთი წმინდა რენი
თქვა გოკონა წიკვათნი,
ჩქინი ნინა, ჩქინი რინა
დიხას ქიმთაკირათნი.

ანთას წანემც უჭკადუნი
თაში ეფას ეკირთასი,
თენა მუშენ ვაიჩქუნა
ვეყი დღასი, ვეყი დღასი.

ღურელც ქიმშაკოროცხით,
ვაი დო უი ქუბირით.
ნანა გურცუ ვარჭუნანი
ნოტე ფერი მუ ძირით.

ღურელი ვარე, გამწოდირთ
მის თქვა ჭარა გელუსქვით.
თქვა რობუ რეთ სარალეფი,
მუთ გოკონანი თინა თქვით.

ბორჯი, ირფელ სი გობარუ -
ულირ, რენ დო მუმალ,
სო რე, ბორჯი სი ვაყოფექ,
სო ვემჲოხე სქანი ნალუ?
მირსიოლუქ უმუხარცქო
ირო ართინერო მალუ,
სი გიჩქ, სო მი ჩილათე,
სო მის უღუ ნაინალუ.
სი რშუ თინა, მუთი ვაშუ
მითინც ცა დო დიხა შქასუ,
სი უჯინედ(ი) სარიკოს
ბჟაშე დიხაშ მოხარცქასუ.
სი ვარენო გიჯინუნი
დიხაშ პირველ დორთაფაშა,
სი გიჯინუუ პირველ სერშა,
პირველ დღაში გოთანაშა.
სი მითინცუ პატი(ი)ს ვაცე,
სამართალი გიღუ თინუ,
ხვალე ართი – სქანიწკალა
მითინც ხანდა ვაუდინუ.
კოჩი მუში მოჯგირესუ
ჯა დო ქუას ოყოთანცუ,
უბადოში ცქვაფა უჩქუ,
ჯგირც თხოზუ დო ოგორანცუ,
ირ კოჩ ფირქენც, მუ ორთუნი
შხვა კოჩიში უჯგუშისუ,
ბორჯის ვაუჩქ მეფერაფა –
არძას არზენც მუშუშისუ.

* * *
ჭვემა მოურც განო–განო,
ცას მუნაფა გართუაფ.
გოთანდუნო ვარე სკანო?
ბორჯის თენა ანჭუაფ.

ანწი ვენდა სი მოჯგირეს,
თეშით ბრელ გაფ თქუალირი.
თინა გორი მუთ ოდინენ,
მუთ სკანორდჷ ჩუალირი.

სკან წოხოლე მითინ ვარდ,
მიდგა რჩქინას მერჩანდუნი,
გენათუა გითქუალ,
მუჟამც ქირსექ გეთანდუნი.

ბრელ გიუნცუ მენჯარიშე,
შხან–ნწალარათ გომბარილი.
უფალი სკანი ნინაშერე
ამდღარ დღაშა გოფალირი!