|
|
 | |  |
| მთავარი » 2012 » სექტემბერი » 06 » ზაალ ჯალაღონია– მაცალარი
8:29 PM ზაალ ჯალაღონია– მაცალარი |
კათას ორღვანც– ნაცალას,
ვემიოტენც ცალუას.
ღურუს ჯოხო მაცალარი
ირფელც უცანცალუანც.
ეკოხონც დო დიკოხონც,
ინა ცელით გილარხვად.
ვემკიდვანც ძელ დო ქონც,
გილურცჷ დო გილევალ.
ჭარკინტია დოურთაფჷ,
ჯოხო მიქენ–გარიელი.
ის არძა ართი აფუ,
ჩიჩიე დო ტარიელი.
გურც ქუმანჯირ ოფულარქ,
დო მა ყინტიქ ვეკმაღინ.
კირიბი შოშეს მოქულანც,
ცას მურიცხიქ ქეკადინ.
ზალამ,ნარტეფი მეტებულო,
დღას ვაძირა დუდი შხვას.
ღურუ სოთინ გენტებუნო?,
ის ბორჯეფი ქუმაშკვანც.
კოც ჸოროფა გაკვირტანც,
მინც ტანც გადირთ ბარცხინია.
შურიში სინთე იჭვიტანც,
მუჭოთ ჭიჭე მარწკინია.
მინ მინჭუაფ თევრე,მელე,
მინ თაქ რენი ფურცქინუნც.
ცა ჩქიმ ჭუათ გოქუნელე,
სოლედგარენი გურგინუნც.
მალას დიჭყანც ცირუას,
უკულ ფართას მაჸუნუ.
ჯოღორი გურც იჭუანც,
გიფერცხელ მაჸურუ.
სოლედგარენი იბარბანჩ,
გენია დო თაკარეფი.
ამდღარ კოც მუთუნ ვაშ,
ცოდათ ორე ნაგვანეფი.
******
არძაში გუმამანგებელი,
გოკონი,ვაგკონი ღურურე.
მინ ხურეკო გინირთუდო,
უკულ ხოლო ჸურურე.
|
|
ნანახია: 602 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
