|
|
 | |  |
| მთავარი » 2012 » სექტემბერი » 12 » გიორგი სიჭინავა-თხუმჷ
2:04 AM გიორგი სიჭინავა-თხუმჷ |
ჯიმაცალო საიმენდო,
საჸოროფო თხუმჷ,
ვამთასქჷ, ვამირგქჷ,
სქანით ქჷმოირთუმჷ.
ჩქინო ვარე თავადიში
მოინალე ჭყონი,
სი ორექჷ ჭკორეფწკმა
მართალი დო ბონი.
არძა ჩქიმი გაჭირება
სქანდა მუკომპონჷ,
სქან იმენდით ფთასნქჷ დო
სქან იმენდით ფხონჷ
ჩქიმი შური, ქოთომცალო,
სქან ჸას გილამჸონჷ.
თხუმუშჲ ღანდა,
თხუმუშჲ ბოგა,
თხუმუშჲ დიშქა,
თხუმუშჲ ოდა,
თხუმუშჲ ქვინჯე,
თხუმუშჲ კუბო..
სი ორექჷ ჩქიმი მინჯე
დიხაშჲ ჟი დო
დიხაშჲ თუდო.
ჯიმაცალო საიმენდო,
საჸოროფო თხუმჷ,
ვამთასქჷ, ვამირგქჷ,
სქანით ქჷმოირთუმჷ
|
|
ნანახია: 593 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
