|
|
 | |  |
| მთავარი » 2012 » სექტემბერი » 06 » დანიელ ფიფია – *ჭაქვინჯიში ჯიხა
7:51 PM დანიელ ფიფია – *ჭაქვინჯიში ჯიხა |
მისითი შარა მეჩამუნი
ზუგდიდიშ ბჟა-იოლც,
ჯვეში სოფელი ჭაქვინჯირე
ხვალე ჟირი საათიშ ოლს.
ვითი ვერსი ვაილნა,
ქალადირთითი დიკო ხონს,
ქოძირითო უძირაფუ,
ვაუჯერთო თქვანი თოლს.
მუკი-მუკი
მოთინილი ფალო-ტკილი,
ბაბუშობაში ცურუეფითი
გობანდილი, მოფინილი
ჩაში წვანდი უნჭუნ-ფერი.
არძო შხუ დო არძო რჩინიც,
სუკიშ წვანს ფუთქურამი
ცხიმურეფი მუკორშვინს.
ჟირ საჯენიშ მაჟიაშე
ემერ წყურგილ მოსიფუნს,
გვართა-გვართა მუკოხორცქუ,
ქუაშ კიდას მუკოფუნს
უკულ ტკილც უზოგარო
გიანთხუ დო გვარგვალანს.
ჯუნუნს ყოროფილი შორო,
ბონუნსუ დო ხვარჩალანსუ,
თუდო ქვიშა ვარჩხილიში
ეთმოცვენს, ვარკალანსუ.
ბჟა ჩხორიას გამშეტყობუ
შქას მიშაბარჩხალანსუ
გიჯინექუ იშო-აშო.
დუგარძღუ შური-გური.
ხეშკა გური - შორო მორჩქუ
ჯვეშ ოხვამე ნენდიხური.
ჭითა გვალა, თუდო სქური,
ნაოხვამე ობუჯური.
მუხური _ ნაცხა გოჯკადილს
უჯინექუ კარაკანო,
ჭითა გვალა, თუდო სქური,
ნაოხვამე ობუჯური.
ჯვეში ბორჯიში მოჭიშეფი,
ამდღა არძა უმინჯური,
მუხური _ ნავხა გოჭკადილს
უჯინექ კარაკანო.
მინდორს გოლსილონგირი
გოფაჩილი შხვა აკანო.
თუდოლეშე შორს იძირე
ურთა, თეკათი დო ევი,
ჟიმოლოშე გვალას - გვალა.
მინორცხილე ეკი - ეკი.
სკანი წოხოლე სუკი გერე,
ურთას მოხარცქაფილი,
სუკოკოჩი ვადაოთა,
ხეთე გიჩქუ გაფილი.
გინმოჯინე კანდიორო
სქვამი, მოცუნაფილი,
ჯვეში ჭაქვინჯური ჯიხა,
თელი ოდიშის ცქვაფილი.
მაღალ კიდა გინოჭყვართუ,
გახუტოლუ სუკიშ დუც,
ქარიტაშა ონჭუნფერი.
შქას - შქას ყორშეფი აშაყუნსუ.
ფუთქუროში მოფინილს
ცურუშ ნაბადი მიკაქუნსუ,
დუდო სქვამი წენიწყალი,
ლენტი შორო მუყოყუნსუ.
კოჩიშ თოლქ მუძირასი,
თეში მანგი ოძირაფუ,
დღაში დო სერითი უჯინეთი
კინ ჯინაშა გური მაფუ.
ულა ბორჯიში სკვამი ლანდი
სქანი წოხოლე გილეფაფუ,
შური შხვალო მინჯჭაფუ.
სოდგარენ შორს ილაყაფუ.
|
|
ნანახია: 1001 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
