|
|
 | |  |
| მთავარი » 2012 » სექტემბერი » 04 » გიორგი სიჭინავა– ჩქიმი ღურა ნოკობუე
0:20 AM გიორგი სიჭინავა– ჩქიმი ღურა ნოკობუე |
ჯგირობუა მუთა ბძირი
დო მუთ გაგიხარა გური,
უჩა ზღვაში წყარც წყათნცჷ
აიეტიში ჩილამური.
მა თი რჩქინას გივაµუნი
მუთ ჩქიმ ჯვაშიქ მოგურუნი,
მარა ვამიჩქ ელახშე
ჯიმა მუშენი მონდურუნი.
ამდღარ დღაშა ვეშმატყვინჷ
მუ პატონეფი ოსურუნი,
დუდ სომეხშა მიკუძუ დო
ლაზ-მარგალშა ოშქურუნი.
ათეჯგუაში მაძირაფუს,
ნოტე თოლეფი დომწკურუნი,
ჩქიმი ღურა ნოკობუე
უჩა შარა მოწურუნი.
ვანოჩქვენო, წყარიცალო
დოწენც რკინა, გონდღულუნი,
საქორთუო ვეჸუაფჷ
სამარგალო დოღურუნი.
|
|
ნანახია: 718 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
