|
|
 | |  |
| მთავარი » 2012 » სექტემბერი » 03 » გური ოტობაია– გვიმარა
2:27 AM გური ოტობაია– გვიმარა |
გვიმარა
ოხვამერ ჯა რდი ,მარა
დეჩიჩიო, გვიმარა?
ვეკანგარა ირიათო
თი თუთა დო თი მარას,
ოხვამერ ჯა რდი, მარა
დეჩიჩიო, გვიმარა?!
ჩელაია ნირსი ცაშე მირაყვალუ,
გოკურცხია, დიდა ინგირ გირაქვალუ,
გლუაფირო,გოლუაფირო, ირო ფალუ,
კუჩხეფიშა წყურგილეფი ქუმოიდვალუ,
ოხვამერ ჯა რდი, მარა
დეჩიჩიო, გვიმარა?!
შხურის ტყების გეჭარუდუ სქან ნინაშა,
მუჭო ოკო ონდღულესკო ფულანდი!
ითამ კუჩხი გეიდგუმუდკო ტინტილაშა,
ეკორჩვილი გილეში დო ქულანდი!
შხურის ტყების გეჭარუდუ სქანობურო,
ორქო ქვიშაშ კორობუაშ წესეფი,
გიკურცხინე, გიკურცხინე, გოლუაფირო,
სი მუნაფას გიწილოხუნს მესეფი!
ოხვამერ ჯა რდი, მარა
დეჩიჩიო გვიმარა?!
ბირგულ მუშენ გიდირკუ,
კოლხურ ბირაშ მარჩქილეს,
ქარწყექ–ჰავაქ ქიდირქუ
ფსუა გეკოვარჩხილე!
ქიგიშინი ხიოლი,
რე მუმულიშ ყიონი,
მიბაღუნა ქირონი,
უზისხირე გვიმარა!
ნჭყოლირ გური მუჭო ვემკისქილადე,
ღურა თელათ მუჭო ვემკიზგილატე,
კოლხიდაშე ლანდი ქუდოსქილადე,
უზისხირე გვიმარა!
ჩელაია ნირსი ცაშე მირაყვალუ,
გოკურცხია, დიდა ინგირ გირაქვალუ,
გლუაფირო, გოლუაფირო, ირო ფალუ,
კუცხეფიშა წყურგილეფი ქუმოიდვალუ,
ოხვამერ ჯა რდი ,მარა
დეჩიჩიო გვიმარა?!
გიკურცხინე, გოლუაფირო,
ვარა გიმორჯგინანა!
ქიგიშინი თი მარა,
ქარწყექ მუსხის გიღვარა,
გემწოდირთი,გემწოჟვენგი,
გემწოსოფი, გვიმარა!
|
|
ნანახია: 1125 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
