|
|
 | |  |
| მთავარი » 2012 » სექტემბერი » 03 » ზაალ ჯალაღონია– * * *
2:29 AM ზაალ ჯალაღონია– * * * |
ქინოფსკიდი თორსა, ჩირეს,
დო ფირქეფით ხან მოკორდუ.
ბრელ მოკოდნ ბძირი ჭიჭე,
ჭიჭე ბძირინ, ბრელ მოკოდუ.
ვალიებე მიჩქუ ბრელც,
ცაშა გირძე შარა მებუ.
ვაწუოთა კირიბ გერც,
შურ ინგარც დო მეჩიებუ.
არძა მიჩქუ სორე ჭარა,
მიქ დინუ დო მიქ მორთუ.
ქიმკოჭვებუ დიხას ქვარა,
ისოფუ დო იკილოთუ.
კურცხე რინა ნოკობუე,
უკმელა დო უჩა სერც.
მინ მონჭა რე, მინ კობუ რე,
მუკმოლუ დო მუკმოცენც.
უბენარი ოფე ირო,
ლენიშფერ ცა– შურიში ონწე.
ჭვემათ მოულ, მინშა თირო,
ღორონთი არძა აკანც მორწყე.
ცას გეუნჯანქ ნოთე თოლეფც,
ეჰამებუ პეულც ჯინა.
გობჭყოლადუ მელენი,მოლენი,
მარა ართ დღას ქიგიბშინა.
|
|
ნანახია: 633 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
