|
|
 | |  |
| მთავარი » 2012 » სექტემბერი » 09 » ზაალ ჯალაღონია– ელია დო დალიაშე
3:23 PM ზაალ ჯალაღონია– ელია დო დალიაშე |
"ელია დო დალიაშე
გურც მიჭუანც ათე რჩქინა -
გაღამც ირო ნტერი ნოჸვე,
მითინც ვაკო თიში რინა.
თე ქიანას თაში ჸოფე,
გლახა ჯგირცჷ დუც უდარენცჷ,
უჩქუნი დო ვაუჩქუნი
იშენ თქუანც მუდგარენცჷ.
ბონას დღასჷ ვარაგადე,
იშენ თინი ვეჸუაფუ.
ურჩქენჯი რე გეზიკონდუ,
გირინცალო გიჸუაფუ.
თეშ გოირე, ისკვამუანც,
ოღრაშობა ათაშუშუ.
ვაუჩქ ბოროს ოდინუანც,
ჟინიერიშ წკონდა შურცუ.
მარა ირ კოჩი იფოთუანც,
თარეფც ირო ონდურუნა.
მესიაკონი რდასჷნ ხოლო ,
თორსა ლეტას დოფულუნა.
მუშენი რე თაში თენა,
ირო ალმაკილოთანცჷ,
ღორონთქ სვენა ქიმერჩჷდა,
მიშ ვალალა გიჸოთანცჷ.
პეული ვარდი ეფალირი,
ბარცხინიაქ ქუმაძღჷრკ,
რაშის ზისხირც უსქირუანც,
მინ ჭანჯი დო მინი გჷრდღჷ.
ელია დო დალიაშე
გურც მიჭუანც ათე რჩქინა,
გაღამც ირო ნტერი ნოჸვე,
თაქ ჭყელი რე თიში რინა.
|
|
ნანახია: 638 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
