|
|
 | |  |
| მთავარი » 2012 » სექტემბერი » 03 » ზაალ ჯალაღონია – კინ მაჟირაშა მა თაქ გობრჩქინექ,
2:32 AM ზაალ ჯალაღონია – კინ მაჟირაშა მა თაქ გობრჩქინექ, |
ორთა სუალეფს უფათქუანც,
ფირქეფი მუკობუ ცას წილამურო.
ჩე ჯაშ ნოელეფს გილაღვარღვალ
ათე ნაბირა ჩხე ჩილამურო.
ჩქიმი ლერსეფი ცაშ ობინეხეს
მუკოჭვიანა ყურზენ–ყუბერო,
მუ შვანც ღორონც შურც დურთინუანქნ,
კინე გინმოშკვანც დიხაჭუბერო.
ჭარა ხაბოშე მოკერკელუანც,
ფუთქურ მოლებულ ჭიჭე ქუას.
ათე ბორია სუას მეპტახუნც,
ამარ მოლიმ დო მიქინძუანც.
ირო მისხუნუ დღალეფი მობრდენი,
ბრელ მიძირუ დო ბრელით ბდინაფუ.
სოლე მობრთინ დო სოლე იბდენი,
ირფელ ართიანც ქიმენქირაფუ.
შურიში ტორონჯი ცაშე მიჯინე,
თექ ხოლო ნოღვე ირფელც აკართუ.
მა თი შარას თოლი ქუკინდე,
თანთე მუნაფას ნამუთ აკათუ.
ამარ გევორექ რზენიშ ოხურგეს,
შურ მიკიჩხილიტ , სორე ფაფალას.
კინ მაჟირაშა მა თაქ გობრჩქინექ,
თოლიში მერქას დო წუნიშ მამალას.
|
|
ნანახია: 609 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
