|
|
 | |  |
| მთავარი » 2012 » სექტემბერი » 03 » ზაალ ჯალაღონია–მარგალც ნინა გოჭყოლად
2:26 AM ზაალ ჯალაღონია–მარგალც ნინა გოჭყოლად |
მარგალც ნინა გოჭყოლად
მარგალც ნინა გოჭყოლად,
ორაგადე დოუთირუ.
ღვანწკის ართიქ ქოჭკადუნ,
მაჟირაქ მოუთირუ.
გერე ზისხირ სქირაფილი,
გაძიცალო გინორთელი.
ირფელი რჩქინა დინაფილი,
დუდიში ტვინი მინორთელი.
ათაში მუქუ დარაგუ,
არძა დუც მინოხენი.
ქარ–ბორია არაგუ
ზუღა სორე კინოხენი.
რჩქინათ იჩუალუდუა,
ასე მუდგას ბთქუანქნ.
ცაშა ქინჭუაფუქუდა,
მერტახუნა სუასნ.
ჩიჩიე დო ჩაჩანეფი
ათაში მუშენი იფაფუ.
სკანი ორქოში ნაჭარეფი,
მიშ ზუკოლით ირღვაფუ.
ისტორიას გითირანა,
თეს მუჭო მიარჩქვანი?
შხვეფი უმოსო იკვირანა,
სი იძახუქ მიაშკვანი.
ვავა, ლიბას ვაგშამირთას,
ლ იი დო მ რენია.
ათაში ჭყანას გაქშაიღანც
თე ჩიება მუ რენია.
ქორთუეფიში ონკარალი,
მანგარი ლასიში ტირანია.
არმენეფიში მოგონილი
ართიანი ვილანია.
ვარა მიქ გიმოდვეს,
ბჟაში სკუალეფც მარგალი?
ჩქი კოლხობა მიორდეს
ლინჯ– ფულანდიში ტართალი.
მუ სინდიდრე ავოტეთ,
ათე ფირქეფქ შკას გობრთ.
ჩქინ საცოდალი აფსირტეში,
ჩხე ზისხირ ტანც გობდგ.
გუბაზი მაცანცალუაფ
ხობწყარ პის გევილირი.
ეთი დღაშე ირთუაფ,
წყარი ზისხირო გეხვილირი.
ჯვეში ალეგორია რე:
ქინოსკიდეს მარჩხას.
კორქილქ მეხვარ მორიალეს,
იქ იშენით ქაჩამ.
მროველს მუს უჯერდით
თქუო ბონ დო მართალი?
ქუჯიშ დიხა მუშენირდ
ფარნავაზიში გართალი.
|
|
ნანახია: 832 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
