|
|
 | |  |
| მთავარი » 2012 » სექტემბერი » 06 » ზაალ ჯალაღონია– ნარღიშ კარე
8:39 PM ზაალ ჯალაღონია– ნარღიშ კარე |
ხვალე გემიდგ ნარღიშ კარე,
ფირქეფც ვაუღ შურო სვანჯი.
თოლონჭაფუს ყურუმ გარე,
ნირსის დუფორ გვალაში წვანჯი.
მუნაფა რე ფერო შორშე,
დუც გუმართუ მუკი– მუკი.
აკორთელე არძა შოშე,
არძა გა დო არძა სუკი.
მიკმურცხონანც ფაჭას დოლოს,
აყარებულ წყარი ნარას.
ჩეგვალა დო, ვერჩეში ხოლოს,
მიკმარზანც დო მიკმავალანც.
მითა მიუნც ელმაჩამალი,
ყალი მიწყუნუ ორთაშ უღუქ.
მუკომინჯანც ორკეს ჩანარი,
ნარღიშ კარეს მულვოგუგუქ.
ათაში ვორექ ამდღა გვალო,
უძირაფუს დევეხოლი.
შური გოფაფჩუ ერქემცალო,
გუმაფართხალ მაჭირხოლი.
გაკწოპრტებუ არძა ნარდი ,
ფირქეფი ვამიჩქ ასე სორენი.
ხოლო ქუქუბი ვარე ნარტი,
ჭოროფა დღას აკობგორენი.
|
|
ნანახია: 724 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
