|
|
 | |  |
| მთავარი » 2012 » სექტემბერი » 23 » ზაალ ჯალაღონია– ულაში უკულ იშენი ფსკიდუქ
0:46 AM ზაალ ჯალაღონია– ულაში უკულ იშენი ფსკიდუქ |
ულაში უკული იშენი ფსკიდუქ,
მითა ბძირუნც ხვალე თოლო.
ირთანც ცაში უჩა სქიბუ,
სოთინ ვარე დუდ დო ბოლო.
მიდართიდა ოკო დირთე,
ვაგოკოდა გვალო ქორდა.
ცა დო დიხას ნოღვე ქირქე,
მინ ცორქო დო მინი გორდა.
მუზმა წანაში ნაგორგოთა,
თოლიშ რობუს ინიფაფუ.
გუმაშინე არძა ცოდა,
ძირაფილ დო უძირაფუ.
ბორჯის დუშუ ჭარაში მორსა,
ბორბოლიაშორო ტყობუ.
შურდგუმაშე ვარე მორსხა,
იშ ნახართა ირფელც გობუ.
ღორონთი მიშა მიმოშკვანც,
მა ვებრგქ მოზიშორო.
ათე ცა დო დიხაშ შკას
ჩე დღალეფ რჩქუ მოქვიშორო.
ნაგორა დუც კინ იფჩუა,
აქ შხვანერო რინა ვერგუ.
ანთასი წანაში მომიღ ჭუა,
ჩქიმ ჩილამურ გიგოჭვენდუ.
ულაში უკული იშენი ფსკიდუქ,
მითა ბძირუნც ხვალე თოლო.
ირთანც, ირთანც უჩა სქიბუ,
სოთინ ვარე დუდ დო ბოლო!
|
|
ნანახია: 801 |
დაამატა: ოდორია
|
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ] | |
 | |  |
|
|
